Нүүр хуудас Шинжлэх ухаан Технологи “Эрдэнэт үйлдвэр”-ийн ДЦС-ын…

“Эрдэнэт үйлдвэр”-ийн ДЦС-ын…

620
0
“Эрдэнэт үйлдвэр”-ийн ДЦС-ын...
“Эрдэнэт үйлдвэр”-ийн ДЦС-ын...
“Эрдэнэт үйлдвэр”-ийн ДЦС-ын хүчин чадал 48мвт-аар нэмэгдлээ
Уулын баяжуулах “Эрдэнэт үйлдвэр”-ийн Дулааны цахилгаан станцын суурилагдсан хүчин чадлыг 48 мВт /12 мВт-ын хүчин чадал бүхий 4 ширхэг турбингенератор/-аар өргөтгөх төсөл амжилттай хэрэгжиж, бүрэн хүчин чадлаар нь ашиглалтад оруулах нээлтийн ёслол боллоо. Хоёр жил гаруйн хугацаанд бүтээн байгуулалтын их ажил өрнүүлсэн энэхүү төслийг “Эрдэнэт үйлдвэр” өөрийн хөрөнгөөр гүйцэтгэж, станцынхаа суурилагдсан хүчин чадлыг нийт 53 мВт болгон өргөжүүлсэн нь Монголын эрчим хүчний нэгдсэн системд оруулж буй том хувь нэмэр юм. Мөн цахилгаан эрчим хүчний тогтвортой, найдвартай том хэрэглэгчээс үйлдвэрлэгч рүү шилжсэн нь уурхайчдын хувьд бахархалт үйл явдал билээ.
erdenet
“Эрдэнэт үйлдвэр”-ийн ДЦС-ын хүчин чадал 48мвт-аар нэмэгдлээ


Нээлтийн ажиллагаанд Монгол Улсын их хурлын гишүүн, Эрчим хүчний сайд Ц.Даваасүрэн, УИХ-ын эдийн засгийн байнгын хороон дарга Д.Дамба-Очир, БНХАУ-ын Элчин сайдын улс төрийн зөвлөх Ли Янжун, Монгол Улсын Засгийн газрын хэрэг эрхлэх газрын дэд дарга У.Бямбасүрэн, Орхон аймгийн Засаг дарга Д.Батлут, “Харбин электроник интернэйшнл” компанийн ерөнхий захирал Чу Аймин болон бусад албаны хүмүүс оролцлоо.

erdenet
“Эрдэнэт үйлдвэр”-ийн ДЦС-ын хүчин чадал 48мвт-аар нэмэгдлээ


Анх 1976 онд “Дулааны станц” нэртэйгээр байгуулагдаж байсан тус станцыг 2011 онд 5 мВт-ын хүчин чадалтай дулааны цахилгаан станц болгон өргөтгөсөн бөгөөд компанийн хөгжлийн бодлогын хүрээнд үйлдвэрийн техник технологийг шинэчлэх, үйлдвэрлэлийн өртөг зардлыг бууруулах үр ашгийг нэмэгдүүлэх, өрсөлдөх чадварыг дээшлүүлэхэд чиглэсэн олон чухал арга хэмжээг үе шаттайгаар хэрэгжүүлж байгаагийн нэгэн бодит жишээ нь тус станцын хүчин чадлыг нэмэгдүүлсэн энэхүү өргөтгөлийн ажил юм.
Нээлтийн ёслолын үйл ажиллагааны төгсгөлд 4 турбингенераторыг ашиглалтад оруулж, хэрэглэгчээс үйлдвэр рүү шилжиж буй анхны ажлын командыг Эрчим хүчний сайд Ц.Даваасүрэн өглөө.

ХАРИУ ҮЛДЭЭХ

Please enter your comment!
Please enter your name here