Нүүр хуудас Нийгэм Сурагчдын дунд цэрэг спортын “Дөл” буухиа тэмцээн болно

Сурагчдын дунд цэрэг спортын “Дөл” буухиа тэмцээн болно

288
0
Дөл тэмцээн
"Дөл" тэмцээн

Сурагчдын дунд цэрэг спортын “Дөл” буухиа тэмцээн болно

Дархан-Уул аймгийн Засаг даргын ивээл дор “Монгол цэргийн өдөр”, Зэвсэгт хүчин үүсэн байгуулагдсаны 97 жилийн ойн баярыг тохиолдуулан аймгийн Цэргийн штабаас санаачлан Ерөнхий боловсролын сургуулийн сурагчдын дунд цэрэг спортын “Дөл” тэмцээнийг энэ сарын 15-ны өдөр “Найрамдал” талбайд зохион явуулах гэж байна.

Ерөнхий боловсролын сургуулийн сурагчдад Монгол Улсынхаа тусгаар тогтнол, эх орноороо бахархах үзлийг төлөвшүүлэх, цэрэг эх оронч хүмүүжил олгох, бие бялдар сэтгэл зүйн бэлтгэлжилтийг дээшлүүлэх, Батлан хамгаалах бодлого, Зэвсэгт хүчний үйл ажиллагааг сурталчлан таниулах зорилготой явах энэхүү тэмцээнээс шалгарсан сурагчид 2018 оны есдүгээр сард Улсын хэмжээнд зохион байгуулагдах цэрэг спортын “Дөл ” цогцолбор тэмцээнд оролцох эрхтэй болох юм.

Сурагчид цэргийн жагсаалын дүрмийн 16 тодорхойлолтоос багийн аль нэг гишүүн сугалж хариулна, жагсаалч тасаг шалгаруулах, дуут жагсаал, цэргийн биеийн тамирын гимнастикийн дасгал, тасгийн захирагч нарын дундах тэмцээн, биеийн тамирын цогцолбор дасгал, норматив, 5 км маршийн цогцолбор буухиа тэмцээн гэсэн долоон төрлөөр өрсөлдөн аваргаа тодруулах юм байна.

ХАРИУ ҮЛДЭЭХ

Please enter your comment!
Please enter your name here