Нүүр хуудас Гадаад мэдээ БЭЭЖИН: Цөмийн зэвсэг үл дэлгэрүүлэх асуудлыг хэлэлцэв

БЭЭЖИН: Цөмийн зэвсэг үл дэлгэрүүлэх асуудлыг хэлэлцэв

39
0
Beijing-tsomiin-zewseg-2019
Цөмийн зэвсэг үл дэлгэрүүлэх асуудлыг хэлэлцэв

Цөмийн зэвсэгтэй 5 гүрэн болох ОХУ, Их британи, Хятад, АНУ, Францын төлөөлөгчид Бээжин хотноо цөмийн зэвсэгт хяналт тавих асуудал хэлэлцэж байна /2019-02-01/.

Оросын тал энэ уулзалтаар АНУ ойрын болон дунд зайны тусгалтай пуужинг устгах гэрээнээс гарах болсон асуудлыг хөндөж, Америкийн төлөөлөгчтэй уулзаж ярилцахаар төлөвлөж байна. Гэхдээ энэ нь Бээжингийн хуралд оролцож байгаа Америкийн төлөөлөгч энэ асуудлаар харилцан ярилцахад бэлэн эсэх нь тодорхойгүй байна.

Бээжингээс ирж байгаа мэдээгээр: “цөмийн зэвсэгтэй 5 гүрний уулзалт нэлээд хүнд явагдаж байна, ОХУ болон Өрнөд хооронд харилцан итгэлцэл байхгүй байгаа нь байдлыг улам хүндрүүлж байгаа юм байна.

Гэхдээ энэ 5 гүрэн хооронд харилцаа холбоо тогтоох ийм хэлбэр зайлшгүй чухал гэдгийг ажиглагчид хэлж байна. Бас нэг мэдээгээр, уулзалтад оролцогчид дүнгийн хамтарсан мэдэгдэлгүй уулзалтаа дуусгахаар болжээ. 1945 оноос хойш цөмийн зэвсэгтэй дээрх 5 гүрэнд 128 мянган ширхэг цөмийн цэнэгт хошуу үйлдвэрлэсэн гэх тоо баримт байдаг ч энэ нь бодит мэдээлэл гэдгийг өнөөг хүртэл нотолж чадаагүй байдаг байна,

тухайлбал АНУ-д 65 төрлийн 70 мянга гаруй цэнэгт хошуу, ЗХУ ба ОХУ-д 55 мянган цэнэгт хошуу, Их британи улсад 1,26 мянга, Францад 1,2 мянга, БНХАУ-д 0,75 мянгыг үйлдвэрлэжээ.

НҮБ-ын Аюулгүйн зөвлөлийн байнгын гишүүн болох дээрх 5 улс дэлхий дээр цөмийн зэвсэгтэй гэдгийг албан ёсоор хүлээн зөвшөөрсөн улс юм.

Мөн дээрх 5 улс дэлхийн 2-р дайны дараа олон улсын харилцааны систем бүрэлдэхэд чухал үүрэгтэй оролцсон гэж үздэг.

Тэр ч утгаар НҮБ-ын Аюулгүйн зөвлөлийн байнгын гишүүн болох энэ 5 гүрэн олон улсад энх тайван, аюулгүй байдал тогтоох үйл хэрэгт гол хариуцлагыг хүлээдэг.

ХАРИУ ҮЛДЭЭХ

Please enter your comment!
Please enter your name here